Додека Македонија бележи огромен број на новозаболени од Ковид-19, Венко Филипче, трчајќи да ја реализира партиската агенда на Зоран Заев и СДСМ, заборави дека е министер за здравство, рече денеска на прес-конференција, Дафина Стојаноска од ВМРО-ДПМНЕ.
„Има голем број на новозаразени во деноноќие, има голем број на починати во деноноќие, Македонија води по црните статистики, како по број на заболени на милион жители, така и по број на починати на милион жители, но ова не е тема, уште помалку приоритет за Филипче, Спасовски, ама и за Заев“, кажа претставничката на ВМРО-ДПМНЕ.
Стојаноска исто така обвини дека дискотеката во Струмица каде викендов се одржале масовни забави е во сопственост на, како што кажа, другари од друштвото на Заев.
„Заев и СДСМ го загрозуваат здравјето и ги загрозуваат животите на граѓаните. Ако вака се продолжи, вината оди на адреса на Филипче и Спасовски, како и на нивниот партиски претседател кој е занесен во лагите и чинењето на криминал“, посочи таа.
