Холандски воен хеликоптер се урна во Карипското Море во близина на островот Аруба, една од конститутивните држави на Кралството Холандија, при што загинаа двајца членови на екипажот, пренесува „Спутник“.
Според радиодифузерот НОС, хеликоптерот НХ90 се урнал во неделата попладне на десетина километри од брегот меѓу островите Аруба и Курасао, кој исто така е самоуправен државен ентитет и дел од Холандија.
A NH90 helicopter of the Dutch air force has crashed in the Caribbean Sea off Aruba. Two crew members died, two have been rescued, MoD in The Hague announced. The NH90 was assigned to oceangoing patrol vessel HNLMS Groningen. #RNLAF #RNLN pic.twitter.com/fx1gK8spMM
— Hans de Vreij (@hdevreij) July 20, 2020
Инцидентот резултирал со смрт на 34-годишната пилотка Кристин Мартин и 33-годишниот тактички координатор Ервин Ворнис.
Уште двајца членови на екипажот се здобиле со полесни повреди. Холандската армија почна истрага за причините за несреќата.
