Актуелниот светски шампион Луис Хамилтон со нов рекорд на патеката 1:13.447 минути ја освои пол-позицијата во пресрет на трката за Големата награда на Унгарија. Британецот седми пат ја освои пол-позицијата и на вечната лиса се израмни со Михаел Шумахер.
Хамилтон и воопшто Мерцедес ја прегазија конкуренцијата во денешните квалификации на Хунгароринг. Со рекорд на патеката Британецот ја освои 90 пол-позиција во кариерата.
Втор во квалификациите беше неговиот клупски колега Валтери Ботас, а доминацијата на Мерцерес ја заокружија пилотите на Рејсинг Поинт. „Розевите Мерцедеси“ се на третото и четвртото место, Ленс Строл и Чеко Перез.
Сите останати имаа време за најмалку една секунда побавно од Хамилтон.
Третиот ред го комплетираа Себастијан Фетел и Шарл Леклер од Ферари, зад нив е Макс Ферстапен (Ред Бул), следуваат возачите на Мекларен Ландо Норис и Карлос Саинц, а најдобрата десетка завршува со Пјер Гасли од Алфа Таури.
Трката за Големата награда на Унгарија утре ќе започне во 15.10 часот.
> Хамилтон недопирлив за конкурентите на Хунгароринг <
