Десетици демонстранти кои се спротивставуваат на уставните реформи и можноста претседателот Владимир Путин да ја води земјата уште 16 години, беа уапсени за време на протестите во Москва, пренесе „Ројтерс“.
Околу 500 демонстранти опкружени со полицијата, главно носејќи заштитни маски, излегоа на улиците со транспаренти против уставните реформи, барајќи од Путин да си даде оставка.
#Russia-n police arrested more than 140 people including a prominent #Moscow politician and her daughter yesterday during protests over constitutional reforms which will allow #Putin to stay in power until 2036. https://t.co/wFgLgURHJM pic.twitter.com/Z90axbmU5k
— Atlantide (@Atlantide4world) July 16, 2020
На референдумот одржан овој месец се изгласа усвојување на уставните реформи што ќе му овозможат на Путин да се кандидира за претседател во уште два мандати во вкупно траење од 16 години.
Опозициските активисти тврдат дека гласањето било нелегитимно и дека е време Путин да си даде оставка затоа што тој е на власт како премиер или претседател повеќе од две децении.
Во текот на минатата недела, полицијата уапси двајца активисти вклучени во кампањата против уставните реформи, а исто така, непосредно пред закажаниот протест, беа претресени становите на уште пет лица.
Во главниот град на Русија, масовните собири во моментот се забранети поради епидемиолошки мерки, но дури и во нормални околности, неопходно е претходно одобрување од власта за да се одржи протест.
