Единствениот внук на американската музичка легенда Елвис Присли починал вчера, потврди менаџерот на неговата мајка Лиза Мари Присли, а локалните медиуми објавија дека станува збор за самоубиство.
Бенџамин Кио (27) е пронајден во Калабасас во близина на Лос Анџелес со прострелна рана којашто самиот си ја нанел, изјавиле полициски извори за ТМЗ.
View this post on InstagramMama Lion with cubs ❤️?????
Менаџерот Роџер Видиновски не открива какви било детали и вели дека Лиза Мари Присли, единственото дете на Елвис од бракот со актерката Присила Присли, е „со скршено срце, неутешна и повеќе од уништена“.
View this post on InstagramFlashback!!!! Backstage with Ben @opry on 8/21/12❤️
„Таа го обожаваше своето момче. Тој беше љубовта на нејзиниот живот“, рече Видиновски, додавајќи дека сака да остане силна поради своите ќерки.
Кио ретко се појавуваше во јавноста, а фотографиите покажуваат дека наликувал на неговиот дедо. Лиза Мари Присли има уште три ќерки.
TMZ пренесува дека Кио бил музичар и дека се занимавал со глума. Легендата на рокенролот, Елвис Присли почина во 1977 година на 42-годишна возраст.
