Внуката на американскиот претседател, Мери Трамп, пишува во својата книга дека Доналд Трамп е токсичен, чуден и мамењето е неговиот начин на живеење, и дека го омаловажувал својот татко кога почнал да страда од Алцхајмерова болест, се вели во мемоарите објавени во понеделникот.
Издавачката куќа „Симон и Шустер“ го најави објавувањето на книгата „Премногу и никогаш доволно“ на 14 јули, наместо на 28 јули.
Американскиот претседател и неговото семејство се обидоа да го спречат објавувањето на книгата на суд. Издавачот објасни дека тој го преместил датумот на објавување на книгата порано поради голема побарувачка и исклучителен интерес.
Крис Бастарди, портпарол на Мери Трамп, се прашува зошто претседателот и неговото семејство сè уште се обидуваат да го спречат објавувањето на книгата.
„Обидот на претседателот да замолчи приватно лице е само последниот во низата проблематични потези кои веќе ја дестабилизираа поделената нација соочена со глобална пандемија“, рече Бастарди, прашувајќи од што се плаши Доналд Трамп.
