Поранешниот фудбалер на Шкендија (дресот на тетовската екипа го носел во 2014 година), 33-годишниот бугарски фудбалски интернационалец, Мартин Кавдански одиграл цел меч за својата актуелна екипа, прволигашот Царско село иако бил позитивен на Ковид 19.
Кавдански кој игра на позиција стопер одиграл цел меч за Царско село во дуелот против Черно Море од Варна и заразил 16 противнички фудбалери, а последните тестови покажале дека и четворица од неговите соиграчи се позитивни на вирусот.
Поради тоа, сега комплетната екипа од Варна е во карантин, а во Бугарија се крена голема врева околу целиот случај.
Останува отворено прашањето со какви санкции ќе се соочи фудбалерот.
