Заменик претседателката на СДСМ, Радмила Шекеринска вечерва се обрати пред граѓаните на Дебар, каде порача дека она што го направила Владата во изминатите две и пол години, ја исполнува со среќа.
„Ништо од тоа што се случи не ни падна од небо, ништо не ни подарија, се измачивме својски. Изминативе две и пол години реално удиравме темели на една подобра куќа за сите нас и знаете дека таа куќа не се гради ниту за една, ниту за две години, ако не ставиме цврсти темели џабе ќе биде сето друго“, нагласи Шекеринска.
Како што рече заменик претседателката на СДСМ, едниот од тие длабоко поставени темели е членството во НАТО.
„Заедно сме со најмоќните во светот. Таа стабилност нема цена, нема алтернатива“, порача во обраќањето Шекеринска.
Текстот Шекеринска во Дебар: За две и пол години ставивме темел на модерна држава е превземен од МАКФАКС.
