Настанатата ситуација поради ковид-19 пандемијата најмалку ги штедеше индивидуалните спортови. Oвој период е голем предизвик за пливачите, кои поради затварањето на базените беа принудени да ги паузират нивните вежби или да најдат начин во домашни услови да останат во форма.
Принудена за да паузира со вежбите беше и Ева Барамчевска, пливачка од Скопје, која на почетокот на годината му се врати на пливањето после три години, но нејзините напори да се врати во фома траеле само три месеци.
Автор: Арбнора Мемети
Од моментот кога се затворија базените во март, Ева накратко ги прекинала тренинзите, додека со нејзиниот тренер Александар Маленко се обидувала да најде начин да остане во форма
По 11 дена принудна пауза од пливање, нашле решение. Ева повторно му се врати на пливањето но овој пат дома, во двометарски базен во нејзиниот двор. Прво вежба на суво, а потоа со помош на еласичнно јаже, поради ограничениот простор, плива во место
Околу 100 дена Ева вежбаше во секакви временски услови, на ветар, дожд и за време на доцниот снег во април
Во разговор за Мета.мк, Ема вели дека на почеток ѝ било многу тешко да се навикне на новото нормално, но воедно е многу среќна за најденото решение
„На почеток ми беше чудно, и доста тешко за да се навикнам во малово просторче. Пливав и на снег и на дожд, ама воедно бев многу среќна што најдовме решение заедно со тренерот иако ни требаше повеќе од десет дена за да го смислиме ова. Потоа сè беше океј“, вели Ева низ смеа.
Додава дека три години паузирала од пливањето. „Почнав да пливам заедно со тренерот почеток на јануари и мислам дека ако не го најдовме ова решение немаше да можам да продолжам да пливам и да се вратам во форма”, вели Ева Барамчевска
Упорен за да ги продолжи вежбите и покрај тешкотиите со кои се соочиле цел овој период бил нејзиниот тренер
„Од моментот кога се случи пандемијата буквално се наоѓавме во еден крстопат, за тоа што не смее да случи пауза во тренинзите“, вели Александар Маленко
Тој додава дека пливањето во ваков мал базен со помош на еластично јаже е претешко
По три месеци пливање во малиот базен во дворот, Ева и другите пливачи се вратија во стандардните базени и се адаптират на новите протоколи
„Многу сум среќна што веќе се вративме на регуларни тренинзи, има нови протоколи, носиме маска пред тренинг но сепак е подобро од дома“ завршува Ева
