Враќање на Дурловски во Собранието би било враќање на местото на злосторството, рече претседателот на СДСМ, Зоран Заев, на вечерашната граѓанска трибина на коалицијата „Можеме“ во Струга.
Според него, новите кадри на Мицкоски се под целосна контрола на, како што рече, избеганиот криминалец во Будимпешта и нив им се важни само парите и голата борба за власт.
„Кај нивниот носител во оваа изборна единица, Дурловски, има само национализам, омраза, нема П од политика, нема П од патриотизам, ама има П од пари. Има разлика меѓу нас и нив. Покажавме на дело, а тоа што е на дело е реткост во нашата Македонија. Сите знаеме дека можеме и повеќе и подобро. Тоа е патот по кој треба да одиме. Ние сме единствена власт која знаеше да признае грешки и да се повлече чекор назад. Денеска е слобода и секој може да си го каже своето мислење. Сега граѓаните делегираат одговорност. На здравствено безбедни избори да излеземе сите и да одредиме правец и иднина на нашата земја. Тоа е одговорност пред нашите деца“, посочи Заев.
Текстот Заев: Од една страна сме јас, Радмила и НАТО, а од другата Дурловски, Мицкоски и насилството во Собранието е превземен од МАКФАКС.
