Скопје, 30 јуни 2020 (МИА) – Министерот за внатрешни работи Наќе Чулев денеска преку вебекс апликацијата учествуваше на состанок на Регионалниот форум на министри за внатрешни работи и безбедност на Регионалната иницијатива за миграции, азил и бегалци (МАРРИ), организиран во рамки на косовското претседателство.
Во своето обраќање министерот Чулев се осврнал на пандемијата Ковид-19 и предизвиците поврзани со неа со кои се соочуваат полициските службеници во својата секојдневна работа, како и во делот со борбата против трговијата со луѓе и нелегалната миграција.
Тој, како штосоопшти МВР, изразил благодарност на МАРРИ и неговите партнери за досегашната соработка и огромната заложба што секојдневно ја покажуваат кон Министерството за внатрешни работи.
– На Форумот, Република Косово официјално го предаде претседавањето со МАРРИ на Црна Гора, а беше усвоена и „Приштинската декларација“ со која, меѓу другото, се охрабруваат министрите за надворешни работи на учесничките на МАРРИ да се заложат за поставување на МАРРИ како главна агенција за миграција во шесте земји од Западен Балкан, се наведува во соопштението од МВР. цр/сп/
