Скопје, 25 јуни 2020 (МИА) – Засадени се нови украсни растенија на зелените површини во Карпош 2, спроти Драмски театар. Хортикултурно се уреди потегот, на кој претходно се засади нова трева, а беше поставен и систем за наводнување.
– На овој начин се заокружува изгледот на овој маалски центар. Тука, Општина Карпош неодамна постави и нови клупи и корпи за отпадоци, соопштуваат од општинската прес-служба.
Оттаму информираат дека акцијата за хортикултурно уредување на јавните зелени површини продолжи и во Порта Влае, каде што во страничните жардиниери беа засадени вакви украсни растенија.
Наведуваат дека локалната самоуправа продолжува со интензивните активности за раззеленување на населбите и че бидат фокусирани на креирање нови зелени катчиња меѓу зградите. фф/сп/
