Вашингтон, 25 јуни 2020 (МИА) – Кошаркарот на Оклахома и претседателот на синдикатот во играчи во НБА, Крис Пол, даде свое видување за ситуацијата во САД. -Неопходно е да се стави крај на проблемите со системскиот расизам и полициската бруталност во нашата земја, вели Пол во изјавата на официјалната веб-страница на синдикатот на играчи во НБА.
Работата на лигата и синдикатот е да се користи колективна платформа за истовремено да се потенцираат проблемите и да се работи на промена на ситуацијата. Ние, како играчи, имаме водечка улога кога станува збор за користење на нашиот глас и за спроведување практични решенија. Како и да е, на долг рок ни претстои многу работа, што треба да помогне да се постигнат реални и трајни промени во општеството, смета кошаркарот.
Во Америка се одржуваат протести против полициската бруталност против црнците. Тие започнаа по убиството на Афроамериканецот Џорџ Флојд, кој почина откако полицаец го задуши со коленото. зс/
