Кичево, 24 јуни 2020 (МИА) – Општинската организација на Црвениот крст во Кичево дистрибуираше 48 пакети со храна и хигиенски средства на стари и изнемоштени лица, лица со посебни потреби и самохрани родители.
Ивана Лазеска од Црвениот крст во Кичево изјави дека по препораките за заштита и превенција од вирусот КОВИД-19 во континуитет од почетокот на пандемијата преку нивните волонтери работат со теренска сервисна услуга за храна, хигиенски срества и лекови за стари и изнемоштени лица, лица со посебни потреби и самохрани родители кои не можат да излезаат од дома.
-Продолжуваме со дистрибуција на хуманитарна помош и тоа со помош на нашите волонтери во временски период од три дена Црвениот крст на Општинска организација во Кичево дистрибуираше хуманитарна помош за сите лица на кои нашата помош им е неопходна. Поделивме 24 пакети со храна и 24 пакети со хигиенски средства, кои беа донација од УСАИД, изјави Лазеска.
Црвениот крст, потенцираше,продолжува да работи и да дава поддршка за намалување на ризикот од ширењето на вирусот во Општина Кичево.рз/лв/