Гевгелија,16 јуни 2020 (МИА) – Општина Богданци објави оглас за јавна набавка за изградба на атмосферска канализација на улицата „Петар Мусев“ на која истовремено ќе се изврши и реконструкција на дел од колекторскиот систем.
-Реализацијата на овој проект во пракса ќе значи трајно решавање на проблемот со нефункционалноста на колекторскиот систем кој при обилни врнежи често се затнуваше од песочните наноси, рекоа од општината и посочија дека идејното решение нуди одделување на атмосферската од фекалната вода и нејзино директно слевање во реката Луда Мара.
Средствата за реализација на проектот, согласно Годишната програма за уредување на градежно земјиште, се обезбедени од буџетот на општина Богданци, а последниот рок за доставување на понудите истекува на 25 јуни. им/вј/
