Дебар,13 јуни 2020 (МИА) – Сообраќајните полицајци од Одделението за внатрешни работи во Дебар денеска на возачите и патниците им делеа заштитни маски и едукативни флаери за заштита и спречување на ширењто на Ковид-19.
Ваква активност се реализираше на два пункта, кај месноста Мелнички Мост на влезот во Дебар од регионалниот пат Маврово-Дебар и кај градскиот стадион, на влезот во Дебар на патот од Струга.
Кај градскиот стадион ги затекнавме полициските службеници Кимет Поцеста и Вулнет Торте, кои срдечно на возачите и патниците и непосредно им ги објаснуваа мерките за заштита кои треба да почитуваат.
– Им кажуваме дека е задолжително носење на лична заштитна опрема за носот и устата, која може да биде заштитна маска, било да е тоа респиратнорна, хирушка или текстилна, потоа памучна марама, шал и слично. Им укажавме меѓу другото и на тоа дека заштитна опрема не е задолжителна доколку патуваат во патничкото моторно возило со членови на семејството со кои заено живеат, ни рекоа Кимет и Вулнет.
Сведоци бевме дека двајцата ги објаснуваа и препораки каде треба а каде не треба носење заштити маски, препораката за избегнување групни собирања, потребата од почесто миење и дезинфекција на рацете.вт/фф/
