Македонска Каменица, 10 јуни 2020 (МИА) – Во Македонска Каменица во завршна фаза е спроведувањето на договорот за бетонски работи и партерно уредување јавни површини. Како што информираа од Oпштината, реализацијата на овој проект на граѓаните им овозможи неколку нови содржини, меѓу кои и две пристапни патеки и нов паркинг простор.
-Паркинг просторот е со вкупна површина од 180 метри квадратни, каде за граѓаните од улица ,,Самоилова”, обезбедивме нови паркинг места. Преку реализацијата на овој проект изградени се и две пристапни патеки со вкупна должина од 130 метри, за подобар пристап на жителите до улица Церска, информираа од Општината.
Kако што додаваат, започната е и целосната замена на оштетените бетонските стази и просторите пред влезовите во станбените живеалишта од централното градско подрачје.
-Во наредните денови, општина Македонска Каменица ќе започне со реализација на нов проект за бетонски работи и партерно уредување на површини со кој е предвидено доуредувањето на градскиот кеј на Каменичка Река и останати јавни површини, со што продолжуваме во подобрувањето на условите и потребите на граѓаните од урбаната заедница, наведуваат од Општината.
За релизација на договорот за бетонски работи и партерно уредување на јавни површини во општина Македонска Каменица беа одвоени 3,3 милиони денари. вс/скс/
