Скопје, 10 јуни 2020 (МИА) – „Криминолошките и криминалистички влијанија од глобалната пандемија„ е тема на денешните шестти по ред е – корона дијалози,во организација на Универзитет „Св.Климент Охридски„-Битола.
Како што е најавено, во е – дијалозите ќе учествуваат проф. д-р Горазд Мешко од Универзитетот во Марибор, проф. д-р Крунослав Боровец, декан на Високата полициска школа-Загреб, проф. д-р Весна Стефановска, Факултет за безбедност-Скопје, проф. д-р Ангелина Станојовска, Правен факултет- Кичево, а модератор на дискусијата ќе биде проф. д-р Марјан Ѓуровски, УКЛО.
– Очекувано е намалувањето на насилните и имотните кривични дела. Но, рестриктивните мерки значат намалување на уличниот криминал, а тоа не е единствениот вид криминал, а бидејќи секоја криза е нова можност, така и оваа е плодна почва за одредени видови криминално однесување, кои се проблем, како што се семејното и родово заснованото насилство, кривичните дела од омраза, сајберкриминал, кривични дела против јавниот ред и мир, и се разбира, кривичните дела против здравјето на луѓето, стои во соопштението од организаторите на настанот.
Прогнозите на Европол, се посочува, укажуваат дека е очекуван глобален импакт по завршувањето на пандемијата и зголемување на имотниот криминал, криумчарењето мигранти, трговијата со луѓе и сајбер-криминалот. цр/лв/
