Монако, 8 јуни 2020 (МИА) – Голманот Даниел Субашиќ го напушта Монако по осум и пол сезони со екипата на фудбалскиот клуб од Кнежеството.
Договорот на 35-годишниот Хрват истекува на крајот на месецот и нема да биде обновен.
Субашиќ беше доведен на „Луис Втори“ од Хајдук Сплит во зимата 2012 година и со тимот на „црвено-белите“ забележа 292 натпревари (111 без да постигне гол) со што е на второ место по бројот на одиграни дуели во историјата на тимот. Тој му помогна на Монако да ја освои француската титула во сезоната 2016/2017, во која исто така беше прогласен за најдобар голман во Лига 1.
За време на тековната кампања, хрватскиот голман одигра само еден натпревар на турнирот во Лига купот, а сезоната беше прекината во март поради пандемијата од коронавирус.
Субашиќ беше дел од Хрватска, која стигна до сребрени медали на СП 2018 во Русија. Тој, наводно, би можел да ја продолжи кариерата во Саудиска Арабија.
