Барселона, 6 јуни 2020 (МИА) – Напаѓачот на Барселона, Луис Суарез доби дозвола од медицинскиот персонал на Каталонците да се врати во игра во првиот натпревар на Каталонците по продолжението на сезоната во Ла Лига.
„Блаугранас“ гостуваат кај Мајорка на 13-ти јуни, а Уругваецот може да игра за прв пат, откако претрпе сериозна повреда на десното колено за време на полуфиналето на шпанскиот Суперкуп против Атлетико Мадрид на почетокот на јануари.
Суарез беше подложен на операција на 12 јануари и веќе тренира целосно со останатите играчи на Барселона.
Денес, „Камп Ноу“ официјално објави дека 147 дена по операцијата, Суарез веќе има дозвола од медицинскиот персонал да се врати во игра.
