Скопје, 29 мај 2020 (МИА) – На барање на шпанската страна, министерот за надворешни работи Никола Димитров денеска разговараше со Аранча Гонзалес Лаја, министерка за надворешни работи, ЕУ и за соработка на Шпанија.
За време на разгговорот, како што соопшти МНР, Димитров уште еднаш се заблагадори за отворената и принципиелна поддршка од Шпанија за нашите европски и евро-атлантски интеграции, изразувајќи задоволство од нивната посветеност како за заокружувањето на НАТО членството, така и за нашиот пробив на европскиот пат.
Беше направен осврт на епидемиолошката состојба во двете земји, но и пошироко, во контекст на здравствените предизвици со кои тие се соочуваат, како и на социо-економските последици од кризата и можни решенија за нивно надминување преку заедничка соработка и солидарност.
Министрите разменија мислења и за повеќе актуелни прашања од регионот. Беше потенцирана важноста од натамошно динамизирање и продлабочување на одличните билатерални односи, со заемна заложба за јакнење на пријателските врски меѓу двете држави, стои во соопштението на МНР. нд/сп/
