Гевгелија, 28 мај 2020 (МИА) – Во рамки на ИПА програмата за прекугранична соработка,за периодот 2014-2020 година, општина Гевгелија со партнери од Грција ќе учествува на објавениот јавен повик со два проекти кои беа утврдени од општинските советници како приоритетни, потврдија денес од општинската администрација.
Првиот проект се однесува на воведување гастро туризам како нов бренд на дестинации во прекугранишниот регион на Северна Македонија и Грција. Во реализацијата на овој проект општина Гевгелија и Фондацијата за локален развој на општината ќе бидат партнери со општина Пеонија и Претпријатието на заедниците на општина Солун.
Покрај овој, преку Центарот за развој на југоисточниот регион, општина Гевгелија на јавниот повик ќе учествува уште со проектот за деловен еко систем како интегриран систем,во чии што рамки е планирана набавка на едно противпожарно возило за општина Гевгелија. им/нд/
