Истражување на организацијата Pan Europe откри дека повеќето јаболка во Европа имаат остатоци од различни пестициди, вклучувајќи и PFAS „вечни хемикалии“. Од 60 тестираните јаболка од 13 земји, 85% содржеле повеќе пестициди, а 71% од нив биле класифицирани како најопасни според ЕУ. Дополнително, 64% содржеле PFAS супстанции, познати по долготрајното загадување на животната средина.
Pan Europe предупредува на „коктел ефектот“ – ризик од комбинирано дејство на повеќе хемикалии, што не се зема предвид при сегашната европска регулација. Организацијата препорачува купување органски јаболка или лупење на конвенционално одгледуваните пред јадење. Јаболките се меѓу најинтензивно третираното овошје во ЕУ, со стотици третирања годишно за контрола на габични болести.
