Чешките власти ќе уништат 750.000 кокошки на фарма по најголемата епидемија на птичји грип досега, објави денеска „Ројтерс“.
Птичјиот грип беше откриен минатата недела на речиси 150 километри западно од Прага, а властите во вторникот почнаа со подготовки за уништување 220.000 кокошки.
Меѓутоа, чешката државна ветеринарна управа (СВС) денеска соопшти дека грипот се проширил на фармата и дека е донесена одлука да се уништи целата живина од таа локација, пренесе „Танјуг“.
