Високи 40 степени целзиусови се измерени денес во 14 часот попладнево во главниот град, што создава дополнителни здравствени проблеми за граѓаните кои мораат на ова пеколно време да излезат надвор и да ги завршат своите секојдневни обврски.
Апелираме до граѓаните да носат тенка и лесна облека, заштита на главата и очите, задолжително да носат шише со вода и доколку почувствуваат некакви здравствени проблеми или потешкотии веднаш да побараат помош.
Од УХМР велат до вторник ќе се задржи многу топло време со дневна температура наместа и над 40 степени. Во среда и четврток ќе дува засилен северен ветер кој ќе предизвика значително опаѓање на дневната температура, а в среда, претежно во северните делови од земјава, ќе има локален дожд.
Според прогнозата на Управата за хидтрометеоролошки работи, максималната температура во четврток и петок ќе достигне 32 односно 33 степени.
За денес попладне и во вечерните часови УХМР најавува локален развој на нестабилна облачност со пороен дожд и грмежи, наместа во форма на краткотрајно невреме со засилен ветер и изолирана појава на град.
Локална појава на нестабилност ќе има и во првите два дена од следната седмица, кога ќе дува умерен, а во западните делови засилен ветер од југозападен правец, соопшти УХМР.
