Последниот круг на тестирања на фудбалерите и членовите на стручните штабови открил 18 заразени од коронавирусот, соопштија од Премиер лигата.
Тестирањата биле извршени од 21 до 27 декември. Вкупно биле тестирани 1.479 фудбалери и членови на стручните штабови. 18 лица биле позитивни и сите биле испратени во изолација.
Поради коронавирусот, синоќа беше одложен натпреварот помеѓу Евертон и Манчестер сити. Тој дуел е втор, кој од почетокот на сезоната е одложен поради коронавирусот. Прв натпревар што го одложи опасниот вирус беше дуелот помеѓу Астон Вила и Њукасл.
Англичаните не ја исклучуваат можноста поради ситуацијата во Манчестер сити, да биде одложен и нивниот натпревар со Челси на 3 јануари, но и полуфиналето во Лига купот со Манчестер јунајтед на 6 јануари.
> 18 позитивни на коронавирус во Премиер лигата <
