Речиси 1,6 милиони луѓе побегнале од Украина во Полска од почетокот на војната, соопшти денеска полската агенција за гранична стража, пренесува Би-Би-Си.
Не се смета дека сите овие бегалци се уште се во Полска.
Мациек Душчик, проректор за истражување на Универзитетот во Варшава, проценува дека околу милион бегалци останале во Полска, а останатите веќе заминале во други земји.
Бројот на лицата што ја преминале границата вчера е намален за 12,5 отсто во однос на четвртокот. Многу бегалци заминаа во големите градови во потрага по подобри изгледи за вработување.
Локалните власти во Варшава и Краков велат дека ги достигнале границите за прием на бегалци без дополнителни средства.
Градоначалникот на Варшава Рафал Трзасковски вчера изјави дека низ градот поминале 320.000 луѓе, додека останале околу 230.000, што е еднакво на десет отсто од населението на Варшава.
