Австриската полиција трага по 53-годишен маж, поради сомнение дека во стан во Виена ги убил сопругата (51) и ќерката (13).
Телота на позната адвокатка и нејзината ќерка биле пронајдени околу 7 часот и 20 минути, откако мајката на убиената повикала полиција, бидејќи не можела да стапи во контакт со ќерката и внуката.
Полицијата веднаш започнала потрага по сопругот на убиената адвокатка, поради сомнение дека е вмешан во делото.
Првите сознанија од истрагата покажуваат дека и мајката и девојчето биле задавени.
Не се знае кој е мотивот на злосторството.
