Џулијан Мур ќе се приклучи на актерската екипа на претстојниот филм „Драги Еван Хансен“ во продукција на „Јуниверзал студиос“ објави „Дедлајн“ во вторникот.
59-годишната оскаровка ќе ја глуми мајката на Еван Хансен, тинејџер со социјална анксиозност, кој се фаќа во лага кога семејството на еден соученик кој извршил самоубиство ќе помеша едно од писмата на Еван со опроштајната порака на нивниот син.
Бен Плат, Ејми Адамс и Кејтлин Девер исто така ќе играат во адаптацијата на бродвејскиот хит-мјузикл.
