Пристигнувајќи на вечерата што ја приреди за шестмина лидери од Западен Балкан во Брисел, министерот за надворешни работи на ЕУ, Џосеф Борел, рече дека очекува „колективен, стратешки, отворен и суштински“ разговор со „најблиските партнери и идни членки на ЕУ“ за потребата од единство и неопходните чекори, да работиме заедно за да обезбедиме безбедна, стабилна и просперитетна Европа.
Тој рече дека тоа е „во најдобар интерес на сите и најдобар начин да се изгради иднината на Западен Балкан во ЕУ“.
„Мислам дека е добро да се има ваков разговор, особено во вакви денови. Се запознавме во септември во Њујорк, но сега светот е во сосема поинаква ситуација. Тогаш никој не можеше да замисли дека ќе имаме еден агресор и друга војна во Европа“, рече Борел, пренесе „Танјуг“.