Поранешниот американски претседател Џорџ Буш го нарече украинскиот претседател Володимир Зеленски „Черчил на нашето време“.
На својот инстаграм-профил, по разговорот со Зеленски преку видеоврска, Буш изјави дека му се заблагодарува на украинскиот претседател за неговото лидерство, неговиот пример и посветеноста на слободата и ја поздравува храброста на украинскиот народ.
„Почестен сум што поминав неколку минути разговарајќи со претседателот Зеленски – Винстон Черчил на нашето време.
Претседателот Зеленски ме увери дека нема да се откаже од борбата против варварството и насилството на Путин“, напиша Буш.
Тој додаде и дека Американците се инспирирани од силата и издржливоста на Украинците и дека ќе продолжат да ги поддржуваат.