Џенифер Лопез и Бен Афлек можеби официјално ја зацементирале нивната заедничка иднина, објави „ТМЗ“ во четвртокот, додавајќи дека Џенифер носи дијамантски прстен на „тој“ прст, и нешто што направи со дијамантот предизвикува уште повеќе сомнеж.
Папараците ја уловија поп-ѕвездата додека купува мебел во Лос Анџелес со нејзината ќерка Ема, а прстенот на нејзината рака поттикна шпекулации дека таа е свршена со актерот Бен Афлек.
„Големиот дијамантски прстен на левата рака дополнително ги подгреа шпекулациите за тајна свршувачка бидејќи, кога сфати дека папараците ја чекаат на излез од продавницата, таа го сврте прстенот, криејќи ја дијамантската страна кон дланката“, пишува порталот на славните.
Доколку дијамантот е всушност свршенички прстен, тоа би претставувало уште една свршувачка за оваа позната двојка, која ја обнови својата романса минатата година, откако ја откажа првата во 2004 година.
Пред само два месеца, Лопез беше на промотивна турнеја за новиот филм Marry Me („Омажи се за мене“) кога јавно проговори за обновената љубовна врска со Бен Афлек.
