Серија А потврди дека одложениот натпревар помеѓу Јувентус и Наполи ќе се одигра на 17.март во Торино, со почеток во 17.45 часот.
Овој натпревар предизвика вистинска конфузија во Италија. Првично требаше да се одигра на 4.октомври минатата година, меѓутоа здравствените власти на Неапол им забранија на фудбалерите на Наполи да отпатуваат во Торино.
Серија А неколку дена потоа го регистрираше натпреварот со 3:0 за Јувентус.
Меѓутоа Наполи ја обжалија одлуката, по што Судот пресуди во нивна корист и ја поништи одлуката на Серија А.
Неодамна овие два тима играа во Неапол, победи Наполи со 1:0, со голот на Инсиње од пенал.
> Јувентус против Наполи на 17.март <
