Јапонските власти од денеска ги олеснија мерките за ограничување на патувањата поврзани со коронавирусот, така што дневниот лимит за влез во таа земја е двојно зголемен, јавуваат локалните медиуми.
Како што се наведува, дозволен е влез до 20.000 луѓе, пренесува Интерфакс Русија.
Исто така, посетителите од 98 земји и региони со низок ризик ќе бидат ослободени од тестирање за коронавирус и карантин, дури и ако не се вакцинирани. Оваа група ги вклучува – Русија, САД, Велика Британија, Кина и Јужна Кореја.
Луѓето од 99 земји и региони со среден ризик, исто така, беа ослободени од тестирање и карантин доколку примат три вакцини против коронавирус. Во оваа група спаѓаат Казахстан, Украина, како и голем број земји од Африка и Блискиот Исток.
Патниците од земји со висок ризик од инфекција со Ковид-10 ќе поминат три дена во карантин во специјален хотел, од кој ќе можат да излезат доколку третиот ден бидат негативни на коронавирус. Оваа група вклучува четири земји, Албанија, Пакистан, Сиера Леоне и Фиџи.
За првпат по две години, јапонската влада исто така планира да го обнови приемот на странските туристи од 10 јуни.