По денешните реакции од политичките партии и државните институции во врска со постапката за издавање на НАТО безбедносен сертификат, со став во јавноста излезе универзитетскиот професот Марјан Ѓуровски.
„ Се што имавте политичките партии во државата кажавте, сега Брисел зборува, вие има да замолчите и слушате и партиските активисти да си ги соберете зошто конечно нема место за нашите и вашите. Кога Вие досега не направивте декриминализација, ветинг и департизација-тоа ќе го направат партнерите од НАТО“, порача Ѓуровски.
„ Најдобро ќе биде политичките партии да ги тргнат рацете од одбраната и безбедноста, зошто ќе си ги изгорат прстите. Двете македонски политички партии како и албанските партии во изминатите 29 години кумуваат на партизацијата и политизацијата на одбранбено-безбедносниот систем “ додаде докторот по безбедносни и одбранбени науки, Ѓуровски.
Според него „време е за воспоставување на јасни правила на игра и работа во Воената служба за безбедност и разузнавање, како и регулирање на партиското ангажирање на офицери и професионални војници. Професорот Ѓуровски нагласува дека за НАТО безбедносните сертификатите нема место за политички мегдан.
