Новак Ѓоковиќ остана во игра за својата шеста титула од Мастерсот во Рим и заддржување на првото место на АТП листата пред Данил Медведев, откако во полуфиналето го издржа камбекот на младиот Канаѓанец, Феликс Оже-Алијасим во вечерната сесија на „Форо Италико“ за со 7:5/7:6(1) победа.
Во полуфиналето, Ѓоковиќ ќе се судри со норвешката тениска надеж, Каспер Руд, кој со 7:6(7)/7:5 по два часа и 21 минута го победи Канаѓанецот Денис Шаповалов, кој вчера го елиминираше Рафаел Надал. На Ѓоковиќ му треба пласман во финалето да остане пред Русинот Медведев на првото место на АТП листата од понеделник.
Во второто полуфинале пак, ќе има дуел на двајца ривали кои не се најдобри пријатели на АТП турнејата – Гркот Стефанос Циципас и Германецот Александер Зверев.
Циципас со 7:6(5)/6:2 ги уништи надежите на домашниот тенисер, Јаник Синер за да ја потврди одличната форма на земја оваа сезона и да се пласира во полуфиналето без загубен сет. Зверев, пак, исто така без загубен сет влегува во пресметката со Циципас, откако со 7:5/6:2 го совлад Чилеанецот Кристијан Гарин.
> Ѓоковиќ го победи Оже-Алијасим и доби шанса да го заддржи првото место <