Штип, 4 март 2020 (МИА) – Штипските пожарникари синоќа се справувале со голем пожар на стрништа во атарот на селото Крупиште. Командирот на Територијалната Противпожарна единица-Штип, Тони Атанасов вели дека пожарникарите до доцна во ноќта го гаснеле пожарот и спречувале да се доближи до магистралниот пат Штип-Кочани, со цел да не се загрози безбедноста на учесниците во сообраќајот.
-На терен излезе целата смена, со две пожарникарски возила и шест пожарникари, да го изгаснат пожарот во атарот на селото Крупиште. Земјоделците во овој период од годината интензивно ги палат стрништата, подготвувајќи се за сеидбата на ориз. Но овие стари земјоделски навики ни создаваат проблеми на терен, вели Атанасов.
Тој забележува дека изминатите денови имале рекордни шест интервенции на запалени стрништа во еден дена, а пред некој ден во три наврати се враќале на терен за да ги изгаснат пожарите. вдј/дма/
