По повод 8 Септември, Денот на независноста, писмо со честитка до претседателот Пендаровски испрати претседателот на Сојузна Република Германија, Франк-Валтер Штајнмајер.
Во честитката тој пишува дека Германија е искрен и доверлив партнер, кој ќе продолжи и понатаму да ја поддржува Северна Македонија во приближувањето кон Европската Унија како и при совладувањето на последиците од пандемијата.
„По повод Денот на независноста, Вам и на граѓаните и граѓанките на Северна Македонија, Ви честитам срдечно и во името на моите сонародници.
Оваа година Вашата земја можеше да се радува не само на приемот во НАТО, туку и на одлуката на Европскиот совет за започнување на пристапни преговори со ЕУ. Со историскиот договор за прашањето за името со Грција и важните реформи, Северна Македонија значително придонесе за тоа. Уште позначајно останува ангажираното продолжување на реформите во централните области: владеење на правото, доброто владеење како и одржување на добрососедските односи. Германија и понатаму ќе ја поддржува Вашата земја во приближувањето кон Европската Унија како и при совладувањето на последиците од пандемијата од КОВИД-19, како искрен и доверлив партнер.
Вам и на Вашите сонародници Ви посакувам лично добро и среќна иднина за Вашата земја“, се наведува во честитката на Штајмаер.
