Македонскиот првак Шкупи вечерва (21 часот) на арената „Тодор Проески“ го пречекува косовскиот тим Балкани во првиот натпревар од плејофот за пласман во групната фаза од Конференциската лига на УЕФА. По неуспесите во ЛШ и во ЛЕ, ова е последниот обид, но истовремено и последен чекор за тимот на Гоце Седлоски до нова клупска историја. Досега, Шкупи не бил ниту блиску до пласман во групна фаза од едно европско натпреварување.
„Максимално сме мотивирани и подготвени за предизвикот. Балкани е одличен тим, добро ги познаваме со оглед дека пред еден месец игравме пријателски подготвителен натпревар, но ова ќе биде сосема поинаков дуел. Едноставно влогот е голем и ако сакаме да успееме, треба да одиграме најдобро што знаеме“, вели тренерот Гоце Седлоски.
Чаирскиот состав се надева дека вечерва ќе оствари убедлив триумф и со тоа ќе направи голем чекор напред кон остварување на целта.