Се чини дека Шерон Стоун овој март ќе го памети по неколку нешта, меѓу другото и како потенцијално спасоносен месец за неа, коментираат таблоидите.
Актерката номинирана за „Оскар“ го доби првото поглавје од нејзините претстојни мемоари преку пошта на 9 март, го прослави 63. роденден следниот ден на 10 март, а во неделата на 21 март ја прими и првата доза на вакцина против Ковид-19.
„Ја добив мојата прва вакцина. Дојдете на @coreresponse / Carbon Health. Лесно беше да се закаже состанок “, напиша таа под фотографијата на која се гледа како ѝ ставаат вакцина во левата рака.
Со оглед на фактот дека Стоун се залагаше за подигање на јавната свест за коронавирусот во текот на изминатата година, таа носи заштитна маска над устата и носот за време на вакцинирањето.
