Холивудската актерка Шерон Стоун ја отфрли идејата дека жените стануваат сè помалку моќни со возраста и смета дека сега е совршено време да се објават нејзините мемоари „Убавината на живеењето по вторпат “.
Магазинот „Пипл“ објави извадоци од интервјуто на Шерон за Опра Винфри, во кое таа вели: „Мислам дека како што старееме, го имаме овој општествен притисок каде луѓето почнуваат да се обидуваат да ни кажат дека нашата вредност е намалена“.
Сепак, холивудската sвезда откри дека ситуацијата ја гледа тотално поинаку. „Мислам дека ова е период во нашиот живот кога нашата вредност највеќе се зголемува.“
“Верувам дека тоа е затоа што тоа е првпат во вашиот живот кога вашата вредност станува многу поголема. Станувате најмоќни од кога и да било дотогаш,“ вели таа во интервјуто.
Шерон Стоун неодамна го прослави својот 63. роденден. Чекорењето во седмата деценија од животот го прави со голема енергија и ентузијазам.
Нејзината книга – мемоари со наслов The Beauty of Living Twice излегува наскоро, Според првичните впечатоци, книгата не е типична холивудска приказна, туку во неа актерката е брутално искрена за својот живот, кариерата, љубовта, повторното застанување на нозе по болеста и втората шанса за живот.
Шерон доживеа тежок мозочен удар во 2001 година, а закрепнувањето беше долг и макотрпен процес. Таа учела повторно да оди и зборува, и сè останато за да може нормално да функционира самостојно.
