Делчево, 4 април 2020 (МИА) – Семејства од ранливите категории од ромаска националност во Делчево денеска добија донација од хумани граѓани од Швајцарија. Помошта, како што информираше делчевецот Сердан Мемедов беше доделена на најзагрозената категорија граѓани од ромска националност.
-Денеска сме овде благодарение на нашиот пријател од Швајцарија кој реши да помогне на наши Роми. Во сорабтока со стовариште Манов набавени се околу 40 вреќи брашно кои ќе ги поделиме на семејства на кои најмногу им се потребни во ова време на криза. Благодарност до нашиот пријател за овој вреден за почит гест, рече Мемедов.
Благодарност за донацијата изразија и семејствата на кои таа им беше доделена.
Слична хуманитарна акција со која ќе бидат опфатени лицата од ромска националност деновиве најави и Невладината организација „КХАМ“ од Делчево. вс/вг/
