Во последните 24 часа во Црна Гора се пријавени седум починати пациенти и 424 новоинфицирани со коронавирус, објави Институтот за јавно здравје. Тестирани се 1.273 примероци за Ковид-19.
Меѓу починатите, најмладиот пациент имал 55 години, а најстариот 88. Вкупниот број на смртни случаи од ефектите на коронавирус од почетокот на јуни минатата година е 690.Бројот на моментално активни случаи во Црна Гора е 9.060, а од почетокот на епидемијата регистрирани се 50.054 случаи на инфекција.
