Црна Гора е подготвена за туристи веќе за празниците, а во општина Бар туристичката сезона започна пред околу десетина дена со подобри временски услови, но и со првите пристигнувања на спортските тимови за подготовки.
Претседателот на општина Бар, Душан Раичевиќ рече дека, покрај спортските екипи, во последните денови се забележани и поголем број туристи, како и дека има најави за пристигнување на туристи од Србија за време на претстојните празници.
Една од главните причини за тоа, додаде тој, е што на српските граѓани не им е потребен тест за ПЦР или потврда за вакцинација за влез во Црна Гора.
„За нас, туристичката сезона започна пред околу десетина дена, имајќи предвид дека поволното време создаде услови за тоа и подобрувањето на спортската инфраструктура за почетокот на подготовките на спортските тимови“, изјави Раичевиќ пред новинарите од Србија во Бар.
Тој посочува дека Бар веќе десет дена е домаќин на српската атлетска репрезентација.
Угостителските објекти работат многу, но во однос на епидемиолошките мерки – келнерите носат маски и на секоја маса има шише за дезинфекција, а за разлика од Србија, во Црна Гора е можно да се пие или да се вечера до 23 часот.
Во Црна Гора е полициски час од полноќ до пет наутро и не е дозволено излегување.
„Ер Србија“ вчера објави дека ги зголемува своите капацитети за патување меѓу Србија и Црна Гора, со воведување дополнителни летови и повеќе од 3.000 дополнителни места до Тиват и Подгорица за време на празниците на Први мај и Велигден.
