Тетово, 24 март 2020 (МИА) – Општинската организација на Црвен крст Тетово испрати повик до сите граѓани-крводарителите да даруваат крв само во просториите на Службата за трансфузиона медицина.
Поради препораките на надлежните институции за спречување на ширење на коронавирусот не може да се организираат акции на други места, посочуваат оттаму.
– Крводарители со оглед на моменталната состојбата во која сите се наоѓаме со мерките за забрана за собирање на повеќе лица, одржување на социјална дистанца и во неможност да организираме крводарителски акции во традиционална форма. Од мерките кои се преземени се со цел заштита на здравјето на населението приморани сме да вршиме повик за крводарителство само во просториите на Службата за трансфузиона медицина во Тетово. Cе надеваме дека повикот ќе наиде на разбирање до сите вас, се вели во повикот на општинската организација на Црвен крст Тетово.
Службата за трансфузиона медицина е сместена во хируршкиот блок на тетовската клиничка болница. ас/мс/
