Кавадарци, 29 април 2020 (МИА) – Црвен крст Кавадарци денеска упати повик за доброволни крводарувања до сите хумани граѓани, поради зголемени потреби од крв.
– Поради зголемени потреби на сите крвни единици на ниво на држава, а и за потребите за интервенции на граѓани од нашите две општини Кавадарци и Росоман, упатуваме повик за доброволно дарување на крв во кабинетот за трансфузиологија во ЈЗУ Општа болница Кавадарци, секој работен ден од 9-13 часот, рече Димитар Каракулев, претседател на Општинската организација на Црвен крст Кавадарци.
Тој нагласи дека секое крводарување значи спасување нечиј живот. Каракулев додаде дека кавадарчани и росоманци се хумани и секогаш на врвот по крводарувања во државата. свд/нд/
