Скопје, 18 јуни 2020 (МИА) – Вицепремиерката задолжена за економски прашања и координација со економските ресори Мила Царовска и директорот на Агенцијата за млади и спорт Дарко Каевски, денеска ќе го посетат Крушево каде што во придружба на градоначалникот на Томе Христоски, ќе извршат увид на тековни и завршени проекти во оваа општина кои се спроведуваат со финансиската помош од Владата на Република Северна Македонија, Европската унија и Светската банка.
Царовска, Каевски и Христоски, како што е најавено, ќе направат увид на завршените активности за поставување и уредување на туристички киосци на месноста „Гумење“, а потоа и на завршените градежни работи на реконструираната спортска сала и тековните активности за партнерно уредување околу салата.
Тие ќе го посетат и спортско рекреативниот центар „Езеро“, каде што се изградени повеќенаменско и тениски игралишта и е уреден фудбалски стадион со средства од Агенцијата за млади и спорт, како и локацијата каде се гради полетувалиште за параглајдинг и параглајдинг центар.са/
