Романскиот судија Октавијан Совре нема да суди на Европското првенство, објави новинарот Емануел Рошу на својот профил на Твитер. Јавноста го запозна Совре, кога по мечот на Манчестер сити и Борусија Дортмунд (2:1), во Лигата на шампионите, побара автограм од Ерлинг Халанд.
Судијата Совре од хумани причини побарал автограм од еден од најдобрите напаѓачи во светот на фудбалот. Автограмот го ставил на аукција, а парите ги донирал за помош на децата со аутизам.
Сепак, во Романија и УЕФА немале разбирање за неговиот хуман гест. Во Романија е суспендиран на неодредено време, а УЕФА го избриша од спискот на судии кои ќе судат на ЕУРО 2020.
> Хуманиот судија избришан од листата за ЕУРО 2020 <
