Францускиот град Гренобл денеска одново треба да почне една од повторливите дебати во Франција, кога се гласа за одобрување бурки во градските базени.
Повеќенаменскиот костим за капење, кој некои муслиманки го користат за покривање на телото и косата додека се капат, стана многу популарен во последните години.
Критичарите на бурката сметаат дека костимот е симбол на растечкиот исламизам и навреда на француската секуларна традиција, додека многу десничари и некои феминистки бараат целосна негова забрана. Бурките се забранети на повеќето базени, од хигиенски, а не од религиозни причини, каде строгите правила за костими за капење важат за сите.
Градскиот совет на Гренобл, во кој доминира зелената партија EELV, денеска ќе го укине својот кодекс за облекување при капење.
„Нашата намера е да ги отстраниме сите ненормални ограничувања за облеката. Прашањето не е конкретно за или против бурки“, изјави неодамна градоначалникот Ерик Пиол.