Франција придонесла со еден милион евра за поддршка на активностите на траст-фондот за мисиите во Сирија при Организацијата за забрана на хемиско оружје (ОПЦВ), пренесува Ројтерс.
Доброволниот прилог беше официјализиран во петокот од постојаниот претставник на Франција во ОПЦВ, Луи Васи, и генералниот директор на ОПЦВ, Фернандо Аријас, во седиштето на ОПЦВ во Хаг.
Минатиот месец на Сирија ѝ беше одземено правити на глас од страна на земјите-членки на глобалното набљудувачко тело за хемиско оружје откако беше откриено дека нејзините сили постојано користеле отровен гас за време на граѓанската војна што избувна во 2011 година.
Сирискиот режим е обвинет за употреба на гасот сарин во Кан Шеихун, во провинцијата Идлиб, во 2017 година и во Гута, близу главниот град Дамаск, во 2013 година, при што се убиени над 1.400 луѓе.
